Mahal Pa Rin Kita

Nang maghiwalay ang ating mga bangka
Sa harap mo nanatili akong walang nadarama
Di umiyak, sakit ay di ipinakita
Kahit sa loob nito'y winasak mong pag-asa

Matagal na panahon na rin
Hapdi ng puso'y kinikimkim
Di kayang ika'y ikay sumbatan
Tanungin kung bakit namaalam

Mabait ako at maiintindihan ko
'Yan ba'ng nararapat sa tulad ko?
hayaang landas nati'y 'di magtagpo
Hayaang bangka'y magkalayo

Manhid ako, 'yan ang sa iba
Manhid ako, 'yan ang alam nila
Ngunit pagdating sa'yo ako ay iba
Ramdam ko, kahit konti mong pagdurusa

'Di ko alam kung akoy magsisisi
Sa pagpapalaya sa'yo ako'y sawi
'Di naghabol, 'di nagbakasakali
Ikalawang pagkakataon, kung maaari

Ikubli ko man sa iba ang nadarama
Lokohin ang sarili ko'y 'di kaya
Magpanggap na masaya sa harap ng iba
Kahit sigaw ng puso ko'y mahal pa rin kita.