Nais kong bumalik sa lugar na iyon,
Ang damhin muli ang saya ng kahapon
Nais kong manumbalik ang tagpong iyon,
Isang madamot na udyok ng pagkakataon.
Sa lugar na iyon ako'y sumaya
Nadama init ng kanyang pagsinta
Nabalot ng kanyang pagkalinga
Isang tagpong nagpakita na di ako nag-iisa
Gusto kong ulitin ang lahat-lahat
Ang muling damhin init ng paglalapat
Sa lugar na iyon ako'y puno ng pag-asa
Sa lugar na iyon na nais muling makita.
Alam kong imposible ang hinahangad ko
Ngunit sa kalagayan ko ngayon, eto lang ang hangad ko
Madamang muli na kami'y iisa
Malamang ako pa ri'y may kasama.
Wala ng hiling kundi ang muling dalhin,
Sa lugar na iyon kung saan walang alalahanin
Nais kong makalimot sa kanyang piling
Dugo sa'king mga kamay kanyang pahirin.
(draft pa lang)
0 comments:
Post a Comment